பல்வேறு தொழில்நுட்ப மற்றும் தொழில்முறைத் துறைகளை உள்ளடக்கிய பொலிஸ் உதவிச் சேவையில் (Police Auxiliary Service) வெற்றிடமாகவுள்ள 383 இடங்களை நிரப்புவதற்காக இலங்கை பொலிஸார் விண்ணப்பங்களைக் கோரியுள்ளனர்.
2026 ஜூலை 10 ஆம் திகதியிடப்பட்ட 2497 ஆம் இலக்க அதிவிசேட வர்த்தமானி அறிவித்தலின்படி, 177 உப பொலிஸ் பரிசோதகர் (Sub-Inspector) பதவிகளுக்கும் 206 பொலிஸ் கொன்ஸ்டபிள் (Police Constable) பதவிகளுக்கும் ஆட்சேர்ப்பு நடத்தப்படவுள்ளது.
விண்ணப்பங்கள் 2026 ஆகஸ்ட் 14 ஆம் திகதி வரை ஏற்றுக்கொள்ளப்படும் என்பதுடன், விண்ணப்பதாரர்கள் Online விண்ணப்ப முறைமை ஊடாக மட்டுமே தங்களது விண்ணப்பங்களைச் சமர்ப்பிக்க வேண்டும்.
இணையதள திருத்தம் மற்றும் உருவாக்கம் (Website editing & development), கணினி அமைப்பு பகுப்பாய்வு (Systems analysis), நிரலாக்கம் (Programming), கணினி வன்பொருள் மற்றும் நெட்வொர்க்கிங் (Computer hardware & networking), கிராபிக் வடிவமைப்பு (Graphic design), அளவையியல் (Quantity surveying), மெக்கானிக் (Mechanic), சமையல் மற்றும் திட்டமிடல் (Catering & planning) உள்ளிட்ட துறைகளில் உப பொலிஸ் பரிசோதகர் பணியிடங்கள் காலியாக உள்ளன.
மேலும் மருந்தாளுநர்கள் (Pharmacists), மின்சார வரைவாளர்கள் (Electrical draftsmen), மருத்துவ ஆய்வக தொழில்நுட்ப வல்லுநர்கள் (Medical laboratory technicians) மற்றும் செவிலியர்கள் (Nurses) ஆகிய உப பொலிஸ் பரிசோதகர் பதவிகளுக்கு ஆண், பெண் இருபாலாரும் விண்ணப்பிக்கலாம்.
அத்துடன் குளிர்சாதன மற்றும் குளிரூட்டி தொழில்நுட்ப வல்லுநர்கள், ஓட்டுநர்கள், எலக்ட்ரானிக்ஸ் தொழில்நுட்ப வல்லுநர்கள், மெக்கானிக்குகள், கணினி இயக்குபவர்கள் (Computer operators), வெல்டர்கள், ஒலி அமைப்பு இயக்குபவர்கள் மற்றும் மேடை விளக்கு தொழில்நுட்ப வல்லுநர்கள் உள்ளிட்ட பல தொழில்நுட்பப் பணிகளுக்குப் பொலிஸ் கொன்ஸ்டபிள்கள் ஆட்சேர்ப்பு செய்யப்படவுள்ளனர்.
அத்துடன் ஒப்பனைக் கலைஞர்கள் (Makeup artists) மற்றும் உடற்பயிற்சி பயிற்றுநர்களாகவும் (Fitness instructors) ஆண், பெண் இருபாலாரும் ஆட்சேர்ப்பு செய்யப்படுகின்றனர்.
தகுதியுடைய விண்ணப்பதாரர்கள் ஆகஸ்ட் 14 ஆம் திகதிக்கு முன்னர் விண்ணப்பிக்குமாறு இலங்கை பொலிஸார் கேட்டுக்கொண்டுள்ளனர்.
இச் செய்தியினை ஏனையவர்களுக்கும் பகிர…👇👇
